தீபாவளி 2026: தேதி, நேரம்

2026 தீபாவளி நவம்பர் 8, ஞாயிற்றுக்கிழமை. தமிழ்நாட்டில் நரக சதுர்த்தசி அன்று அதிகாலையே தீபாவளி. இந்த ஆண்டு சதுர்த்தசி திதி 8-ம் தேதி காலை 11:28 வரை இருப்பதால், எண்ணெய் குளியலும் கொண்டாட்டமும் அன்றே.

கிருஷ்ணர் நரகாசுரனை வதம் செய்த நாளாகத் தீபாவளி கொண்டாடப்படுகிறது. அதிகாலை எழுந்து நல்லெண்ணெய் தேய்த்துக் குளிப்பதை "கங்கா ஸ்நானம்" என்பார்கள். பிறகு புத்தாடை, இனிப்பு, பட்டாசு, உறவினர் வீடுகளுக்குச் செல்லுதல்.

அதே நாள் மதியம் முதல் அமாவாசை தொடங்குகிறது. மாலையில் வீடு முழுவதும் விளக்கேற்றி லட்சுமி, குபேர பூஜை செய்வது பல குடும்பங்களின் வழக்கம். கேதார கௌரி விரதமும் இதே நாள்.